Liseanne De Blecourt

Ny vaktmeister på huset!

I haust har vi fått oss ny vaktmeister på huset! Han heiter Ronny, er skikkeleg handyman og elskar alt som har med motor, olje og diesel å gjere!

I haust har han lagt si sjel i å fikse opp «Breiflabben», ein av leirskulen sine båtar, som det var mykje å gjera på. Som å reinske dieseltankar, installere navigasjonsutstyr og fikse hydraulikken på krana.

No er Breiflabben brukande til mellom anna transport av søppeldunkar og ikkje minst pallevis av matvarer!

 

Ronny er vidare lidenskapeleg opptatt av motorkross, og hummarfangst. Eller eventuelt krabber da, om det ikkje er hummarsesong. Ronny var ikkje sein med å melde sin interesse for krabbeakademiet her på leirskulen, so no det Ronny som er krabbesjefen på huset og styrar krabbesjået kvar onsdagskveld. Det kan rapporterast om god stemning og mykje latter her, kva som er so morosamt med krabber (eller Ronny?) får ein vite om ein kjem på krabbeakademiet!

               

Posted by Liseanne De Blecourt in Aktuelt

Strandrydding på Hammerøya

Ivrige elevar rydda plast i fjæra med liv og lyst!

Ein ivrig ryddegjeng! Det er gøy og viktig å rydde fjæra for plast og anna søppel, synes elevane.

I anledning den nasjonale strandryddeveka har vi rydda ei strand på Hammarøya! Kvar torsdag har vi opplegget «Livet i fjæra» der elevane lærer om tang og tære, og drar på leiting med bøtter og håvar for å finne dyr som lever i fjæresonen. Denne torsdagen hadde vi også med søppelsekkar og hanskar.

Elevane fann utruleg mykje søppel, mykje meir enn venta! Særleg mykje var det å finne innunder dei store steinane ved moloen. Det meste var tau og garnrestar frå fiskerinæringa. Men også flasker, korkar, plastdunkar og isopor. Nokre elevar gav verkeleg alt og jobba godt ilag for å dra fram vasar med tau og fylle opp i sekkar. Til saman vart det ca 80 -100 kg søppel!

Alle var godt nøgde med resultatet, og det kjennest godt å kunne delta i kampen mot marin forsøpling!

Mykje tauverk og garnrestar      Elevane drog frem masse tau frå innunder steinane      Det vart samarbeida godt!     Nokon leitar etter dyr medan andre leitar etter plast.    Vi tar med oss 8 fulle søppelsekkar i båten.

Posted by Liseanne De Blecourt in Aktuelt

Vi renser ærfugldun

Elevane har dei siste vekene fått prøve seg på å rense ærfugldun! Vi brukar ei dunharpe: ei ramme med fiskesene spent på. Når ein dreg ei pinne fram og tilbake over harpa vil rusk og rask drysse ned. Til slutt sit ein att med ein dott herleg og mjuk ærfugldun! Denne duna er noko av det varmaste og lettaste som finnes, mykje varmare enn til dømes gåsedun.

Elevar prøver seg på rensing av dun. Det er masse arbeid!
Duna av ærfuglen er noko av det varmaste og mjukaste som finnes!

Det som skil ærfugldun frå anna dun er at den har små mothaker, slik at fjonene hektar seg inn i kvarandre. Til ei dyne av ærfugldun treng ein dun frå 60 – 70 reir. Å rense 1 kg dun kan ta fleire veker, so ei dyne av ærfugldun er nok eksklusive sakar! Det seies at kongen og dronninga har slike dyner..

Før i tida var det vanleg at folk langs kysten sette opp små hus til ærfuglen. Når ea satt seg på reir i eit slikt hus, var det lettare for ho å forsvare seg mot eggrøvarar som svartbak, kråke og mink. Folk gjekk gjerne runder langs husa for å passe på at ea hadde det bra. Som takk for hjelpa kunne dei plukke duna som låg att i husa når egga hadde klekt og ungane hadde kome på sjøen. På Bjørnsund og holmene rundt omkring står det i dag fleire slike ærfuglhus.

Vi veit ikkje om folk på Bjørnsund dreiv å sanka dun, men det har nok vore vanleg mange stader langs kysten. Vikingane sanka alt dun, ein har mellom anna gjort funn av ærfugldun i osebergskipet! Dun var ei fin ekstra inntektskilde, den var for kostbar å bruke sjølv! Tradisjonen med å sanke dun har holdt seg lengst nordpå, og på Helgelandskysten finnes det framleis øyer og holmer der ein driv og sankar dun, sokalla «dunvær». 

Continue reading →
Posted by Liseanne De Blecourt in Aktuelt